2025 оны 5-р сарын 18-нд NVIDIA компани COMPUTEX 2025 арга хэмжээний үеэр квант судалгаанд зориулагдсан дэлхийн хамгийн том суперкомпьютер болох ABCI-Q системийг албан ёсоор ашиглалтад оруулснаа зарлалаа.
Энэхүү дэвшилтэт суперкомпьютер нь Японы Үндэсний Дэвшилтэт Шинжлэх Ухаан, Технологийн Хүрээлэн (AIST)-ийн дэргэдэх квант-AI технологид суурилсан олон улсын судалгааны төв (G-QuAT)-д байрлаж байна.
ABCI-Q суперкомпьютер нь нийт 2,020 ширхэг NVIDIA H100 график процессороор тоноглогдсон бөгөөд өндөр хурдны өгөгдөл дамжуулах чадвартай Quantum-2 InfiniBand (NVIDIA компанийн боловсруулсан өндөр хүчин чадалтай сүлжээний дэд бүтэц бөгөөд суперкомпьютер, AI, квант тооцоолол, өндөр гүйцэтгэл шаардсан дата төвүүдэд зориулсан мэдээлэл дамжуулах платформ) сүлжээний платформд суурилсан дэд бүтцийг ашигладаг. Мөн энэхүү суперкомпьютер нь CUDA-Q хэмээх хосолсон тооцооллын программчлалын багц бүхий платформоор ажилладаг. Энэ платформ нь CPU, GPU болон QPU (кубит процессор)-уудыг нэгтгэж, квант алгоритм болон симуляци боловсруулах боломжийг бүрдүүлдэг. ABCI-Q суперкомпьютер нь гурван төрлийн квант процессорыг нэгтгэсэн бөгөөд энэ нь уг системийг олон төрлийн квант технологийг нэг орчинд турших, хосолсон (hybrid) квант-GPU тооцоолол хийх боломжтой болгож байна. Үүнд:
ABCI-Q суперкомпьютер нь квантын алдаа засварлалт, алгоритмын хөгжүүлэлт, хиймэл оюун ухаан ба квант тооцооллыг нэгтгэсэн систем боловсруулах зэрэг үндсэн чиглэлд зориулагдсан бөгөөд олон төрлийн квант технологийг нэг дор туршиж, бодит хэрэглээнд ойртуулах шинэ үеийн хосолсон тооцооллын экосистем болох зорилготой хэмээн мэдээлсэн байна.
Эх сурвалж:
NVIDIA Powers World’s Largest Quantum Research Supercomputer | NVIDIA Newsroom
Fujitsu & RIKEN: 256-qubit superconducting quantum processor
QuEra launches Aquila on Amazon Braket
OptQC Commences Construction of Optical Quantum Computer
Quantum-2 InfiniBand Platform | NVIDIA
Мэдээ бэлтгэсэн: Симуляци, тооцооллын салбарын ЭШДаА Н.Отгонзул