ШУА-ийн Математик, Тоон Технологийн хүрээлэнгийн ҮЭ-ийн хорооноос санаачлан 2020 онд ажилчдадаа зориулан хувь хүний хөгжлийн сургалтуудыг сар бүр зохион байгуулахаар төлөвлөсөн байсан боловч хөл хорионы улмаас хойшлогдоод байсан билээ. Сургалт маань энэ сараас эхлэн зохион байгуулагдахаар болсон бөгөөд эхний сургалтаа сэтгэл судлаач У.Чулуунчимэг багшийн "Сэтгэл зүйн боловсрол" сэдвээр 10 сарын 20-ны өдөр амжилттай зохион байгууллаа. Сэтгэл судлалын мэдлэг, мэдээлэл нь байгууллагын ажилчдад чухал ач холбогдолтой, нийгмийн хэрэгцээ өндөртэй сэдэв болох нь сургалтын явцаас ажиглагдав. Цаашид сургалт маань тусгай хөтөлбөрийн дагуу цуврал хэлбэрээр үргэлжлэх болно.
Мэдээ бэлтгэсэн: Б.Отгонсувд