Математик, тоон технологийн хүрээлэнгийн Нээлттэй хаалганы цахим өдөрлөг 2021 оны 10 сарын 26-29 ны өдрүүдэд “Математик, Тоон Технологийн Хүрээлэн” фейсбүүк хуудсаар дамжуулан амжилттай зохион байгууллаа.   

Хүрээлэнгийн нээлттэй хаалганы цахим өдөрлөгийн зар, контент мэдээллүүд Фэйсбүүк хуудсаар нийт 18953 хүнд хүрсэн бөгөөд өдөрт дунджаар 1000 хүн өдөрлөгийн үйл ажиллагаанд зочилсон байна. Манай  хүрээлэнгийн фэйсбүүк хуудсаар зочилон мэдээлэлтэй танилцсан хүмүүсийн дунд 35-44 насныхан хамгийн идэвхтэй байсан бол дараа нь 25-34 насныхан байлаа. Өдөрлөгт оролцсон хүмүүсийн дийлэнх нь Монгол улсаас оролцсон бол Өмнөд Солонгос улс, Оросын Холбооны улс, Тайвань, Энэтхэг улсуудаас мөн хүмүүс оролцсон байна. Монгол улсаас оролцсон хүмүүсийн хувьд Улаанбаатар, Ховд, Эрдэнэт, Дархан, Баянхонгор зэрэг хотуудаас оролцсон байна. 

Цахим өдөрлөгөөр МТТХ болон салбар тус бүрийн хүрээнд  танилцуулга, лекц, титэм үг, технологийн танилцуулга, танин мэдэхүйн мэдээг оролцуулаад 9 төрлийн нийт 48 контентыг  тус хүрээлэнгийн ажилтнууд бэлтгэн хүргэлээ. Өдөрлөгийн үеэр салбар тус бүрд уралдаант асуулт хариултын тэмцээн зохион байгуулсан ба Математикийн салбарын тэмцээнд Ховд аймагт Математикийн багшаар ажилладаг Ганбаяр, Мэдээллийн технологийн салбарын тэмцээнд ШУА-ийн Газарзүй геоэкологийн хүрээлэнгийн ажилтан Рэнчинбуд, Симуляци, тооцооллын салбарын тэмцээнд Заяатүшиг тус тус түрүүллээ. 

Математик, тоон технологийн хүрээлэнгийн нээлттэй хаалганы цахим өдөрлөгт идэвхтэй оролцсон та бүхэнд талархал илэрхийлж, ажил хөдөлмөрийн өндөр амжилтыг хүсэн ерөөе! 

#МэдлэгээрДархлаагааДэмжээрэй #МатематикСэтгэхүйтэйТехнологийнХурдаарХөгжицгөөе