ШУА-ийн
100 жилийн ойн хүрээнд Математик, тоон технологийн хүрээлэнгээс ЕБС-ийн ахлах,
дунд ангийн сурагч нарт зориулан мэргэжлийн чиг баримжаа олгох лекцийг цахим хэлбэрээр зохион
байгууллаа.
Эхний
лекцийг маань МТТХ-ийн
Мэдээллийн технологийн салбарын эрдэм шинжилгээний тэргүүлэх ажилтан,
доктор, профессор Д.Гармаа "Мэдээллийн технологи ба компьютерийн ухааны
мэргэжил" сэдвээр уншив.
Удаах лекцийг МТТХ-ийн Математикийн салбарын эрхлэгч,
төрийн соёрхолт математикч, шинжлэх ухааны доктор, профессор Р.Энхбат болон
МУИС-ийн ХШУИС-ийн Хэрэглээний математикийн тэнхимийн эрхлэгч, доктор,
профессор С.Батбилэг нар “Математик ба хэрэглээний математикийн мэргэжил”
сэдвээр лекц уншлаа.
Аж үйлдвэрийн 4-р хувьсгал өрнөж буй өнөөгийн нийгэмд
Математик болон Мэдээллийн технологийн чиглэлийн мэргэжлүүд эрэлт хэрэгцээ
ихтэй байх бөгөөд манайд энэ талын боловсон хүчин дутмаг байна. Энэхүү лекцээр
сурагч нарт энэхүү мэргэжлийн талаарх ерөнхий мэдээлэл өгөх бөгөөд мэргэжил
сонголтоо зөв хийхэд тус дэм болох зорилготой билээ.
Лекцийн бичлэгийг хүрээлэн фейсбүүк хуудсаар болон дараах
холбоосуудаар хүлээн авна уу.
Мэдээллийн технологи: https://fb.watch/58MdQmoKv7/
Математик: https://fb.watch/5959SnS5iD/